Pinot noir

Pinot Noir (Franse fonetiese uitspraak: pino nwaʁ) is 'n rooiwyn druifsoort van die spesies Vitis vinifera. Die naam kan ook verwys na wyn wat hoofsaaklik van Pinot noir druiwe gemaak word. Die naam is afkomstig van die Franse woorde vir Denne en swart. Die woord denne verwys na die feit dat die druifsoort diggepakte, dennebol-vormige druiwetrosse dra.^[1]

Pinot Noir druiwe word regoor die wêreld in meestal koeler gebiede verbou, maar word hoofsaaklik geassosieer met die Boergondiese-wynstreek van Frankryk.^[2] Pinot Noir word gebruik om rooiwyn, sjampanje en vonkelwyn (soos die Italiaanse Franciacorta en Engelse vonkelwyn) te maak. Streke wat 'n reputasie opgebou het vir Pinot noir wyn sluit in die Willamette-vallei van Oregon; die Carneros-, Central Coast-, Sonomo Coast-, en Russian River-wynboustreke van Kalifornië; die Elgin- en Walkerbaai-wynboustreke van Suid-Afrika; die Mornington-skiereiland, Yarra-vallei en Adelaide Hills-, Great Southern- en Tasmaniese-wynboustreke van Australië; en die Central Otago-, Martinborough-, en Marlborough-wynboustreke van Nieu-Seeland. Pinot noir is die mees aangeplante variëteit (38%) in die produksie van vonkelwyn in die Champagne-wynboustreek en ander wynboustreke.^[3]

1. ↑ "Etymologie de pineau". Centre Nationale de Ressounces Textuelles et Lexicales (in Frans). Besoek op 3 November 2013.
2. ↑ "Everything You Need To Know About Pinot Noir". Filled With Wine (in Engels (VSA)). 23 September 2020. Geargiveer vanaf die oorspronklike op 2 Junie 2021. Besoek op 29 Mei 2021.
3. ↑ Wine & Spirits Education Trust Wine and Spirits: Understanding Wine Quality pp. 6–9, Second Revised Edition (2012), Londen, ISBN 978-1-905819-15-7